«Иң яхшы табиб» кем?

Гәзитебезнең алдагы саннарында «Иң яхшы ел табибы» республика конкурсы җиңүчесе — 1нче дәваханә стационарының ашыгыч медицина ярдәме бүлеге мөдире Равил Мусин турында язып чыккан идек. Шушы көннәрдә аның бөтенрусия табиблар бәйгесендә дә җиңүе билгеле булды.

Һөнәри бәйгегә Русиянең 60 төбәгеннән 596 эш җибәрелгән. 29 номинация буенча 36 җиңүче билгеләнгән. Республикадан 5 табиб югары исемгә лаек булды. Шулар арасында шәһәрдәшебез Равил Мусин «Иң яхшы ашыгыч ярдәм табибы» төркемендә икенче урын яулады. Мәкаләбез героена яңа казанышы уңаеннан ихлас котлауларыбызны юллыйбыз!