Диспансерлаштыру үтәргә вакыт!

Диспансерлау — сәламәтлекне күзәтүдә тоту, тормыш сыйфатын яхшырту һәм үлем очракларын киметү өчен мөһим.
Аңа һәркем җитди карарга, сәламәтлекне кайгырту кешенең гадәтенә керергә тиеш. Нәрсәдер авырта башлаганны көтмәскә, тикшеренеп торырга кирәк. Бу күп авыруларны кисәтергә, иртәрәк ачыкларга, вакыт һәм акчаны янга калдырырга булыша.
Халыкны диспансерлаштыру 2013 елдан башланды. Күпләр аны үтте дә инде. Шунысы бар, бу тикшеренүгә тискәре караучылар да җитәрлек. Табиб кабул итүенә, анализлар тапшыруга көне буе чиратта утыру кемгә ошар? Өстәвенә, барысын да бер көндә генә үтеп бетеп тә булмый. Әмма соңгы елларда шәһәребездә вәзгыять яхшы якка үзгәрә сыман. Биредә хәзер диспансерлауны бер көндә, чиратларсыз, ыгы-зыгысыз үтеп була дигән фараз бар. Моның өчен тикшеренү тәртибен алдан белеп тору файдалы булачак.
Диспансерлауны кемнәр үтә ала?
Мәҗбүри медицина страховкалавы системасында теркәлгән, 18 яшьтән өлкәнрәк русиялеләр өч елга бер тапкыр түләүсез медицина тикшеренүе үтәргә хокуклы. Агымдагы елда 2001, 1998, 1995, 1992, 1989, 1986, 1983, 1980, 1977, 1974, 1971, 1968, 1965, 1962, 1959, 1956, 1953, 1950, 1947, 1944, 1941, 1938, 1935, 1932, 1929, 1926, 1923, 1920 елларда туучылар диспансерлаштыру уза.
Шунысы мөһим: медицина тикшеренүенә алдан язылу таләп ителми! Диспансерлаштыруны ял көнендә үтү мөмкинлеге, анализларга әзерләнү тәртибе белән 1нче шәһәр дәваханәсенең рәсми сайтында (http://www.oktgb1.ru/) танышырга, шулай ук 1нче поликлиникага 8 (34767) 6-25-50; 8 (34767) 6-65-90 телефоннары аша, яки 2нче поликлиниканың 8 (34767) 3-41-80 номерына шалтыратып белешергә була.