Уфа табиблары сирәк патологияле яңа туган игезәкләрне коткарды

Җитди гипоксия һәм нәниләрнең берсенең муенына ике тапкыр кендек уралуы аркасында табиблар йөклелекнең 33 нче атнасында ашыгыч кесарево кисүе үткәргәннәр. Туганда беренче малайның авырлыгы нибары 1 300 грамм һәм буе 38 см булган, хәле бик авыр. Икенче малай 41 см буе белән 1 580 грамм авырлыкта була, шулай ук ашыгыч реанимация таләп итә.

Ике сабый да мөстәкыйль рәвештә сулый алмаган, аларга ашыгыч рәвештә интубация үткәргәннәр, үпкәләрне ачу өчен препарат керткәннәр һәм үпкәләрнең ясалма вентиляциясе аппаратына тоташтырганнар.

34 көн интенсив терапиядән соң реанимация бүлегендә яңа туган малайларны уңай динамика белән өйләренә кайтарып җибәрәләр. Беренче сабый 2 153 г га кадәр авырлык җыйган һәм 44 см га кадәр үскән. Икенче сабый — 2 779 г һәм 47 см га кадәр.

Бу очрак - иң кечкенә ике пациентның гомерен саклап калырга мөмкинлек биргән белгечләр (реаниматологлар, неонатологлар, неврологлар) командасының көйле эше үрнәге.