Язгы өмәләр — шәһәрнең чисталыгы һәм матурлыгы

Яз — чисталык һәм тәртип урнаштыру чоры. Шәһәр өмәләре төрле буын вәкилләрен берләштерә, уртак максатка — әйләнә-тирә мохитне яхшыртуга юнәлтә.

Бүген Салават Батыр урамында «Октябрьсккоммунводоканал» хезмәткәрләре тарафыннан чираттагы шундый акция узды. Көрәк һәм тырма белән коралланып, алар үзләренә беркетелгән территорияне чүп-чардан арындырды, шәһәрнең чисталыгын һәм уңайлылыгын тәэмин итүгә үз өлешен кертте.

Мондый чараларның әһәмияте бәяләп бетергесез: алар шәһәрне матурлый гына түгел, ә халыкның патриотизм рухын, бердәмлеген һәм табигатькә сакчыл карашын да күрсәтә.