Балалар бакчасында автомобильдә куркынычсызлык дәресе узды

«Балаңны һәлак итмә, эләктер!» кампаниясе кысаларында ЮХИДИ белгечләре 29нчы балалар бакчасында яшь пассажирлар өчен практик дәрес үткәрде. Дәрес барышында балалар автокреслоны ничек дөрес урнаштырырга һәм куркынычсызлык каешын ничек эләктерергә икәнен ачык белделәр. Инспектор машинада үз-үзеңне тотуның төп кагыйдәләрен: каешның әһәмиятен, пассажирларның бурычларын, утырту һәм төшү тәртибен аңлатты.

Теориядән соң балалар уен эстафетасында катнашты, анда светофор сигналларын, юлны кичү кагыйдәләрен һәм автомобиль салонында үз-үзләрен тоту кагыйдәләрен кабатладылар. Уен җитезлекне, фикерләү тизлеген һәм юл хәрәкәте кагыйдәләре белән кызыксынуны үстерергә ярдәм итте.

Белгечләр ата-аналарга баланың яше һәм буена туры килә торган җайланмаларны кулланырга, сабыйларны автокреслоларга эләктерергә һәм аларны машинада караусыз калдырмаска кирәклеген искәрттеләр. Балалар иминлеге-өлкәннәр кулында!

Алинә Нәширванова.

Дәүләт автоинспекциясе бүлегенең юл хәрәкәте иминлеген пропагандалау буенча инспекторы