Без ‑ бердәм халык!

Хөрмәтле октябрьскийлылар, сезне чын күңелдән русиялеләр өчен иң әһәмиятле бәйрәмнәрнең берсе - Халыклар бердәмлеге көне белән котлыйм!
Безнең бөек илебез территориясендә төрле милләт, дин һәм мәдәният кешеләре яши. Нәкъ менә шушы күптөрлелек безне уникаль итә, нәкъ менә шунда безнең көч. Без бер‑беребездән өйрәнәбез, иң яхшысын үзләштерәбез һәм бердәм җәмәгать киңлеге булдырабыз, анда һәркем үзенең тиңдәшлеген саклый һәм шул ук вакытта үзен зур һәм тату гаиләнең бер өлеше итеп тоя.
Бу бәйрәм Русиянең үткәнен, бүгенгесен һәм киләчәген ныклы җеп белән бәйли. Без көрәштә һәм хезмәттә Ватаныбызның данын һәм бөеклеген кадерләүчеләрне рәхмәт хисе белән искә алабыз. Хәзерге вакытта аның мәнфәгатьләрен яклаучылар белән горурланабыз.
Бүген Русия янәдән катлаулы сынаулар кичерә. Ләкин безнең халык чын бердәмлеген күрсәтте. Без барыбыз да ‑ кемдер кулына корал тотып, кемдер тылда - ышаныч белән җиңүгә таба барабыз, бер‑беребезгә ярдәм итәбез. Балаларыбыз һәм онык­ларыбыз хакына якты киләчәкне бары тик бергә һәм бердәм булып кына төзи алабыз, бары бергә генә без - көч!
Кадерле якташлар! Барыгызга да нык сәламәтлек, иминлек, тынычлык һәм игелек телим! Һәр йортта мәхәббәт, татулык һәм үзара аңлашу хакимлек итсен, ә безнең уртак йортыбыз - Русия - көннән‑көн көчле булсын һәм чәчәк атсын!
Бәйрәм белән сезне, дуслар! Халыклар бердәмлеге көне белән!