Иң куркынычсыз урын – балалар креслосы!

Балаларга ни өчен машинага утырган саен махсус креслога утырырга кирәклеген уен формасында аңлаттылар.

• Балалар бик актив катнашты: юл билгеләре турында табышмаклар чиште.
• Типик юл ситуацияләрен тикшерделәр һәм ни өчен каешлар һәм креслолар кирәк икәнен үзләре аңлатты.
• Инспектор креслоның никадәр мөһим булуын дәлилләүче кечкенә генә тәҗрибә үткәрде, балаларга кинәт тукталганда ничек саклавын күрсәтте.

«Юл хәрәкәте иминлеге кагыйдәләрен кечкенәдән белергә кирәк. Балалар креслосы – ул ата-аналарның теләге генә түгел, ә сезнең тормышыгызны саклаучы иң мөһим җайланма», – дип ассызыклады инспектор.

Чара ахырында нәни дусларыбыз әти-әниләренә ничек дөрес итеп утырырга исләренә төшерергә вәгъдә бирделәр!