«Рульгә утырма, малай»

Статистика аяусыз: балигъ булмаган мотоциклчылар катнашындагы юл-транспорт һәлакәтләре еш кына фаҗига белән тәмамлана. Идарә итү күнекмәләре булмау, Юл хәрәкәте кагыйдәләрен белмәү һәм мотошлемнан башка йөрү авыр имгәнүләргә, инвалидлыкка һәм үлемгә китерә.Соңгы атнада гына да ЮХИДИ хезмәткәрләре ике көпчәкле транспортта йөрүче өч яшүсмерне тоткарлаган: берсенә 17 яшь, ә икесе әле 14 яшьтә генә. Мондый һәр очрак – ул фаҗигаләр статистикасы гына түгел, ә гаиләләр өчен шәхси кайгы.

ЮХХДИ ата-аналарны һәм транспорт чараларының законлы хуҗаларын аеруча игътибарлы булырга чакыра. Правасы булмаган яшүсмергә руль бирү – начар гамәл генә түгел, ә законны тупас бозу.

• Административ штраф: Әгәр сез балагызга яки таныш яшүсмергә үз транспортыгызда йөрергә рөхсәт итсәгез, сезгә 30 000 сум күләмендә штраф яный.
• Техникага арест: Мотоцикл яки мопед тоткарланачак һәм махсус стоянкага урнаштырылачак. Эвакуация һәм саклау чыгымнары тулысынча милек иясенең өстенә төшә.
• Гаиләләр белән эш: Балигъ булмаган хокук бозучы турында мәгълүмат балигъ булмаганнар эшләре буенча комиссиягә җибәрелә, анда ата-аналарны балаларны тәрбияләү вазыйфаларын тиешенчә үтәмәгән өчен җавапка тартачаклар.

ЮХИДИ хезмәткәрләре түбәндәгеләрне киңәш итә. Балагызга мопед яки мотоцикл алырга ашыкмагыз. Ул законда билгеләнгән яшькә (16 яшь – «M» һәм «A1» категорияләре, 18 яшь – «A» категориясе) җитмәсен һәм машина йөртү таныклыгы алмый торып. Ачкычларны бирмәгез. «Өйдән ерак түгел, берни булмас» дип уйласагыз да, бу хата фаҗига белән тәмамланырга мөмкин. Бигрәк тә җәйге чорда балаларның ничек ял итүен күз уңында тотыгыз һәм аларга рөхсәтсез транспорт ачкычларын алырга ирек куймагыз.

Балалар иминлеге – безнең уртак җаваплылыгыбыз.

 Алина Наширванова, ЮХИДИ бүлекчәсенең юл хәрәкәте иминлеген пропагандалау буенча инспекторы