248 мең сумга... чәчәк букеты

26 сентябрьдән 2 октябрьга кадәр Октябрьскийда җиде мошенниклык һәм "Дәүләт хезмәтләре"н җимерү ихтималының ун факты теркәлгән, -дип хәбәр итте Русия Эчке эшләр министрлыгының Октябрьский шәһәре буенча бүлеге башлыгы урынбасары - полиция подполковнигы Вадим Хөснуллин хакимияттәг утырышта. – Шәһәр халкы 340 мең сумнан артык акча югалткан (алар арасында 134 645 сум микрозаймнар).

26 сентябрьдә 1970 елгы шәһәрдәшебезгә билгесез кеше «МАХ» мессенджерында шалтыратып, чәчәкләр китерүләре турында хәбәр итә, СМС-код саннарын сорый. Ханым "Дәүләт хезмәтләре"нә керү кодын әйтеп бирә. Бераздан яңа шалтырату килә һәм, мошенниклар хисаптагы акчаларын күчерергә җыенуларын, тиз арада чара күрергә кирәклеген бәян итәләр.

Шундый юл белән ханымны ышандырып, караклар аның банк исәбендәге 248 мең сум акчасын урлыйлар.

Хөрмәтле октябрьскийлылар! Беркайчан да сезгә килгән СМС-код саннарын, шәхси һәм финанс мәгълүматларын таныш түгел кешеләргә атамагыз.

Автор:Гузаль Закирова

Читайте нас

Партнеры