Бөек Ватан сугышы вакытында хәбәрсез югалганнарны эзлиләр

Башкортстан Республикасы эзләү отрядлары фондының төбәк бүлеге мәгълүматлары буенча, Бөек Ватан сугышы вакытында Башкортстан Республикасы буенча хәбәрсез югалган 127 000 солдат һәм офицер санала. Эзләү объектив сәбәпләр аркасында кыенлаша: Советлар Союзы таркалу, үзәкләштерелгән мәгълүматлар базасы булмау, архивлар җимерелү, исәпкә алуның төгәллеге түбән булу, калдыкларны идентификацияләү проблемалары, төбәкләрдә топонимика үзгәрү, финанслау җитмәү һ. б.

Әлегә кайбер гаиләләрдә Бөек Ватан сугышында катнашучыларның документлары саклана: фронттан килгән хатлар, эзләү эшендә ярдәм итә алырлык фотолар. Хатларда кыр почтасының номеры күрсәтелә, ә фоторәсемнәрдән солдат исемен белергә була.

Алдагы «Геройлар эзсез югалмый» акцияләрендә катнашу нәтиҗәсендә кешеләр үз туганнарының җирләнгән урынын белделәр, аларның нинди фронтларда сугышканнарын һәм кем булып хезмәт иткәннәрен, нинди госпитальләрдә дәваланганнарын ачыкладылар. Бигрәк тә танылган галим Юлай Псянчинның мисалы күрсәткеч, ул үзенең өч герое турында мәгълүмат таба алган. Ул бабасының бүләкләү кәгазен беренче тапкыр күргән һәм аның батырлыгы турында белгән. Кирәкле мәгълүматны таба алмаган кешеләргә эзләүчеләр эзләү эшен кайсы юнәлешләрдә алып барырга киңәш бирә.

Әгәр дә сез бабагызның яки туганыгызның язмышын ачыкларга телисез, ләкин моны үзегез эшли алмыйсыз икән, 14 мартта 10.00 сәгатьтән 15.00 сәгатькә кадәр матбугат йортына килегез. адресы: Уфа шәһәре, Октябрьнең 50-ел урамы, 13.

Эзләү анкетасын тутырып, югалган сугышчы турында бөтен мәгълүматны үзең белән алып килергә кирәк.

Бөек Ватан сугышы елларында хәбәрсез югалган Ватанны саклаучыны

ЭЗЛӘҮ АНКЕТАСЫ

1. Хәрби хезмәткәрнең исем-фамилиясе, әтисенең исеме
2. Туган көне, ае, елы.
3. Туган урыны.
4. Чакырылыш военкоматы.
5. Чакыру датасы, ае, елы.
6. Партиялелек.
7. Белеме, нинди белгечлек буенча.
8. Кайсы уку йортын тәмамлаган.
9. Чакырылыш вакытына хәрби звание.
10. Гаилә хәле.
11. Өйләнгәннәр өчен-хатынының ФИО һәм балалар саны. Буйдаклар өчен әти-әнисенең исем-фамилиясе.

12. Гаилә 1941-1948 елларда күченү (күченүләрне) исәпкә алып кайда яшәгән.
13. Яралануы турында мәгълүматлар: госпитальдә яткан торак пункты, ай һәм ел.
14. Кем аның белән бер көнне чакырылган һәм кайткан (нәрсә билгеле).
15. Алынган хәбәрләр, аларның күчермәләре яисә эчтәлеге.
16. Әгәр туганнары Эзләүгә запрослар язган икән-җавапларның күчермәләре.
17. Фронттан килгән хатларның күчермәләре (сканнарда яхшырак).
18. Фронттан фотосурәтләр, әйләнештән язмалар (сканнар).
19. Туганнарыгыз сүзләреннән тагын өсти алырлык бар нәрсәне (әгәр төгәл мәгълүмат булса).
20. Индекс, адрес, телефоннар (кәрәзле һәм шәһәр телефоны), кем эзли, шулның исем-фамилиясе һәм туганлык дәрәҗәсе.