Октябрьскийлылар "тере" чыршыны татлы бүләккә алыштыра алачак

Быел Октябрьскида ылыслы агачларны кабул итү пунктлары 17 гыйнварда 34 нче микр., 25; Бакча боҗрасы, 60а ("Плаза" сәүдә үзәге янында) адреслары буенча оештырылачак.

Бу көнне чыршы кабул итү пунктлары шулай ук Туймазада Мичурин ур., 12 ("Магнит" гипермаркеты янында) һәм Островский ур., 2 ("Аструм" сәүдә үзәге парковкасында) адреслары буенча эшләячәк. Биредә ылыслы агачларны 24 гыйнварда кабул итәчәкләр.

Агачны мишурадан, уенчыклардан, гирляндалардан һәм башка яңа ел бизәү әйберләреннән чистартырга кирәк. Җыелган агачларны регоператор ваклауга, ә аннары фермер хуҗалыкларында һәм зоопаркларда терлекләр өчен азык яки түшәү өчен кабат куллануга юнәлдерәчәк.

Кабул итү пунктларында чыршыны 12.00 сәгатьтән 15.00 сәгатькә кадәр калдырырга мөмкин. Бу вакытта эшкәртү өчен агачлар алып килгән халыкка татлы ризыклар тапшырачаклар, дип билгеләп үттеләр социаль челтәрләрдә «Экология Т» җәмгыяте регоператоры.