27 миллионнан артык зыян

Шәһәр хакимиятендә алдау очракларын профилактикалау буенча эшче төркем утырышы узды. Июньнән сентябрьгә кадәрге чорда шәһәрдә 42 алдау очрагы һәм «Дәүләт хезмәтләре» порталы аккаунтларын ватып керүнең 56 факты теркәлгән. Зыян күрүчеләргә салынган гомуми зыян 27 миллион сумнан артып киткән. Әлеге коточкыч сумма артында мошенниклыкка юлыгып, җитди югалтулар кичергән реаль кешеләр — шәһәребез халкы тора.

Төп схемалар — «курьер китереп бирүе», «домофон ачкычын алыштыру», товарларны, билетларны һәм хезмәтләрне җәлеп итә торган бәядән сату, инвестицияләрдән табыш вәгъдә итү, финанслау өчен җаваплылык белән янау. Мошенниклар кешеләрне SMS-кодларын җиңел генә әйттерәләр, акчаны курьерларга тапшырталар яки «имин исәпләргә» күчерергә мәҗбүр итәләр.

Хокук саклау органнары профилактика эшен дәвам итә , без дә яңа төр алдау ысуллары турындаа хәбәр итеп торабыз. Ләкин, әгәр сез үзегез уяулык күрсәтмәсәгез, бу тырышлыкларның файдасы булмас.

Иминлекнең төп кагыйдәсе: әгәр шалтыратучы ашыктыра, SMSтан код таләп итсә, штрафлар белән янаса яки җиңел табыш вәгъдә итсә — трубканы куярга кирәк. Инаныр өчен, оешмага рәсми сайтта күрсәтелгән номер буенча үзегез кире шалтыратыгыз яки полициягә мөрәҗәгать итегез.

Автор:Гузаль Закирова

Читайте нас

Редакцияне сайлау