Октябрьскийда 9 яшьлек бала юлда зыян күргән

Юл хәрәкәте хәвефсезлеге дәүләт инспекциясе  хезмәткәрләре тикшерү үткәргәндә, СИМ (санлы индивидуаль мобильлек чарасы) двигателенең егәрлеге билгеләнгән лимиттан (250 Вт) артык булуын ачыклаган. Техник характеристикалары буенча әлеге электр самокатын мопедка тиңлиләр — моның өчен «М» категорияле машина йөртү таныклыгы таләп ителә торган механик транспорт чарасы.

Административ җаваплылыкка тарту нибары 16 яшьтән генә башлануын исәпкә алып, беркетмәне турыдан-туры балага төзеп булмый. Әмма бу законлы вәкилләрне тиешенчә контроль булмаган өчен җаваплылыктан азат итми. Малайның әти-әнисенә карата РФ Административ хокук бозулар кодексы буенча, транспорт чарасын идарә итү хокукы булмаган затка тапшыру, административ беркетмә төзелгән. Аларга 30 мең сум күләмендә штраф салынган.

Юл хәрәкәте хәвефсезлеге дәүләт инспекциясе ата-аналарны ситуациянең җитдилеген аңларга чакыра:

• Характеристикаларны тикшерегез. Теләсә кайсы электротранспортны сатып алыр алдыннан аның техник параметрларын игътибар белән өйрәнегез. Әгәр егәрлек 250 Вт-тан артып китә икән — бу транспорт чарасы дигән сүз, анда «М» категорияле таныклык, теркәү һәм шлем булу мәҗбүри.
• Истә тотыгыз: балага куәтле самокат сатып алып, сез аңа фактта мопед ачкычларын тапшырасыз. Мондый җайланманы тиешле укудан һәм документлардан башка куллану канунсыз һәм авыр нәтиҗәләргә китерергә мөмкин.
• Җаваплылык тоегыз. 16 яшькә кадәрге балаларны административ җаваплылыка тартып булмый, ләкин аларның әти-әниләре мондый сәфәрләрнең нәтиҗәләре өчен тулы материаль һәм әхлакый җаваплылык тоя. Штраф — бәрелештән соң килеп чыгарга мөмкин булган нәтиҗәләрнең кечкенә генә бер өлеше.
• Куркынычсызлыкны тәэмин итегез. Экипировкага акча жәлләмәгез. Ишегалдында гына йөрү өчен дә шлем, терсәк һәм тез саклагычлары мәҗбүри.

Балалар куркынычсызлыгы — өлкәннәрнең турыдан-туры җаваплылык зонасы. Сезнең балагызның сәламәтлеге модалы гаджеттан һәм 30 мең сум штрафтан күпкә кыйммәтрәк. Балаларыгызны саклагыз!

Алинә Наширванова, Юл хәрәкәте хәвефсезлеге дәүләт инспекциясе бүлеге пропаганда буенча инспекторы