Махсус хәрби операция ветераннарына уңайлы һәм куркынычсыз көнкүреш шартлары

Күптән түгел алгы сызыктан кайткан өч сугышчының яшәү урыннарына чыгып карау уздырылды. Һәр ветеран өчен белгечләр адаптация кирәк-яраклары исемлеген әзерләде. Нәтиҗәдә алар йортларында үзләрен ышанычлы хис итсен һәм көндәлек мәсьәләләрне мөстәкыйль рәвештә хәл итә алсын өчен уңайлы шартлар тудырылыр.

Тәкъдим ителгән карарлар исемлегенә түбәндәгеләр керде: «Акыллы йорт» системасын урнаштыру (тавыш белән идарә итү функциясе белән яктырту һәм көнкүреш техникасы), компьютер белән махсуслаштырылган эш урынын җиһазлау, ышанычлы тоткычлар, таймый торган келәмнәр, катнаш краннар, сыгылмалы утыргычлы душ кабиналары, борылмалы көзгеләр һәм тәрәзәләрне дистанцион ачу системаларын монтажлау.

Авыр яралардан соң да безнең сугышчыларыбыз рухларын югалтмыйлар һәм киләчәккә планнар коралар. Мәсәлән, мина-шартлау ярасы нәтиҗәсендә балтыр сөяге ампутацияләнгән һәм күпсанлы җәрәхәтләр алган Винер Акбаров авырлыкларга карамастан, социаль контракт рәсмиләштергән һәм автомобильләр ремонтлау белән актив шөгыльләнә, нәтиҗәле хезмәт реабилитациясе үрнәген күрсәтә.

Альберт Иванович Царьков ике аягы ампутациясен кичергән. Аның өчен шәхси йорт адаптацияләнә: белгечләр ишек уемнарын киңәйтү һәм каршылыксыз керүне оештыру зарурлыгын исәпкә алганнар.

Алексей Грецкий да балтыр сөяге ампутациясен кичергән, аның да шәхси йорты адаптацияләнә. Хезмәткә кадәр Алексей Михайлович профессиональ рәвештә чаңгы спорты белән шөгыльләнгән. Хәзерге заман спорт протезы алгач, ул актив тренировкаларга кайтырга планлаштыра.

«Ватанны саклаучылар» фонды филиалының социаль координаторлары ветераннарны барлык этапларда — торакны адаптацияләүгә гариза бирүдән башлап тиешле документларны җыю һәм рәсмиләштерүгә кадәр озатып баралар. Моннан тыш, алар тернәкләнү чараларын һәм адаптив киемнәр алуга ярдәм итәләр. Консультация алу өчен түбәндәге адрес буенча мөрәҗәгать итәргә мөмкин: Октябрьский шәһәре, Горький урамы, 14 нче йорт.