Электромонтер Матросовны бүләкләделәр

Төзүчеләр көне алдыннан Уфада, Башкортстан Республикасы Авыл хуҗалыгы министрлыгының Колонналар залында, республика төзелеш комплексы хезмәткәрләрен бүләкләделәр.

Төбәкнең төзелеш тармагы 86 хезмәткәренә дәүләт бүләкләрен Хөкүмәт рәисе урынбасары Рөстәм Газизов тапшырды.

Бүләкләнүчеләр арасында — «Стронег» акционерлык җәмгыяте электромонтеры Александр Матросов та бар. Ул җәмгыять оешмаларының җитештерү һәм төзелеш объектларын өзлексез электр белән тәэмин итү өчен җаваплы эшли. Рөстәм Газизов үзенең котлау чыгышында билгеләп үткәнчә, Александр Федотович төзелеш өлкәсендә инде 54 ел хезмәт куя.

📸 Олег Яровиков фотосы

Автор:Гузаль Закирова

Читайте нас

Партнеры