Московка бистәсендә мемориал территориясен төзекләндерү эшләре башланды

«1941-1945 елларда Бөек Ватан сугышында һәлак булган якташларыбыз — Московка бистәсе сугышчыларына мемориаль стела янәшәсендәге территорияне төзекләндерү» проекты 2026 елгы ППМИ (җирле инициативаларга ярдәм программасы) конкурсыннан үтеп, гамәлгә ашыру стадиясенә керде.

Бүгенге көндә подрядчы оешма объектта әзерлек эшләренә тотынды. Проект территорияне комплекслы яңартуны күздә тота. Бу исә истәлекле чаралар уздыру һәм яшь буынга патриотик тәрбия бирү өчен лаеклы киңлек булдырырга мөмкинлек бирәчәк.

Һәйкәл яны инде бүгеннән үк микрорайонның горурлыгы һәм төрле буын вәкилләрен берләштерүче изге урын булып тора. Якын киләчәктә ул тагын да ямьлерәк, уңайлырак һәм кадерле булачак.