Су шаярганны яратмый

Дүшәмбегә каршы төндә Октябрьскийның бер пляжындагы карьердан 50 яшьлек ир‑атның гәүдәсе чыгарылган. Башлангыч мәгълүматларга караганда, ул исерек хәлдә булган һәм шаһитлар күз алдында сулыкны йөзеп чыгарга уйлаган.
Ир‑ат каршы як ярга йөзеп барып җиткән. Әмма кире кайткан вакытта су астына китеп юкка чыккан. Вакыйга төнлә, коткару постының эше тәмамлаган чакта булган. Яр буенда коену тыелуны аңлаткан кызыл флаг эленеп торган.
Сүз уңаеннан, коену чоры кызган ва­кытта, Гадәттән тыш хәлләр идарәсе белгечләре, 38нче янгын‑коткару часте һәм административ комиссия хезмәткәрләре сулыкларда профилактик тикшерүләрне туктатмый.
Гадәттән тыш хәлләр министрлыгы хезмәткәрләре су коенганда үтәргә тиешле куркынычсызлык кагыйдәләрен искә төшерә.
 Бары тик җиһаз­лан­дырылган пляжларда гына коеныгыз! «Кыргый» урыннарда су керү — куркыныч, чөнки төптә ни булмас.
 Балаларны су буенда караучысыз беркайчан да калдырмагыз. Контроль өзлексез булырга тиеш.
 Исерек килеш су коенудан тыелыгыз.
 Билгесез урыннарда баш белән суга сикермәгез.
 Әгәр ярдәм кирәк булса — бер кулны өскә күтәрегез һәм кычкырыгыз. Бу коткаручыларга сезне тизрәк күрергә ярдәм итәчәк.
Хөрмәтле шәһәрдәшләр! Үзегезне һәм якыннарыгызны саклагыз. Кагыйдәләрне санламау тормышыгызга янарга мөмкин. Ялларыгыз шатлык кына китерсен!