Башкортстан Башлыгы «Атайсал» проектында катнашучыны бүләкләде

Башкортстан хөкүмәтенең оператив киңәшмәсендә төбәк Башлыгы Радий Хәбиров Русия Федерациясе Президенты хакимияте җитәкчесенең секретариат департаменты начальнигы Рафаэль Хәкимовка «Хезмәт батырлыгы өчен» медален тапшырды. БР Башлыгы указы белән Рафаэль Марат улы күпьеллык намуслы хезмәте һәм нәтиҗәле җәмәгать эшмәкәрлеге өчен бүләкләнде.

— Без дәүләт хезмәтендә, бизнеста, фәндә уңышларга ирешкән якташларыбыз туган төягебезне онытмасын өчен тырышабыз, без алар белән горурланабыз. Алар безгә ярдәм итә – моның өчен «Атайсал» программасы бар, — диде Радий Хәбиров.

Рафаэль Хәкимов Яңавыл районында туып-үскән, әнисе әле дә шунда яши. Радий Хәбиров Рафаэль Марат улына хезмәттәшлек өчен, горурланырлык якташыбыз булган өчен рәхмәт белдерде.

ФОТО: ВИДЕОДАН СКРИНШОТ

Автор:

Читайте нас

Партнеры