Сәламәт киләчәкне кагыртып

«Бердәм Русия» проекты кысаларында партиянең урындагы бүлеге мәктәп укучылары арасында ишегалды волейболы, баскетбол һәм футбол буенча фестивальләр оештыруда һәм үткәрүдә актив катнаша.

Чараның төп максаты — балаларны һәм яшүсмерләрне физик культура һәм спорт белән даими шөгыльләнүгә киң җәлеп итү, сәламәт яшәү рәвешен популярлаштыру һәм команда рухын үстерү.

Бүгенге көндә футбол һәм волейбол буенча ярышлар уңышлы узды, ә якын арада баскетбол фестивале үтәчәк.

Ярышлар нәтиҗәләре буенча партия бүлекчәсе җиңүче командаларга грамоталар, медальләр һәм спорт туплары тапшырды. Ләкин иң кадерле бүләк — балаларның бәхетле елмаюлары, аларның ихлас хисләре һәм янәдән спорт мәйданчыкларына чыгу теләге.

Дарья Попова,  партиянең урындагы бүлеге сәркатибе:

«Балаларның очкынланып торган күзләренә карагач, мондый чараларның никадәр мөһим булуын аңлыйсың. Монда җиңелүчеләр юк — һәр бала җиңүче була. Чөнки ул хәрәкәтне, сәламәтлекне, дуслыкны һәм команда ярдәмен сайлый. Балаларның бер-берсе өчен борчылулары, уртак уңышларга сөенүләре һәм спорт мәйданчыгында вакытны рәхәт итеп уздыруларын күрү бик күңелле. Без аларга бу бәйрәмне бүләк итә алуыбызга чын күңелдән шат һәм мондый фестивальләр көчле, актив һәм сәламәт буын тәрбияләргә ярдәм итә дип ышанабыз. Бу якты хисләр, яңа танышулар һәм дәрт-дәрман һәр катнашучы өчен спортка һәм сәламәт яшәү рәвешенә мәхәббәткә тагын бер адым булсын».

Фотолар Дарья Попова архивыннан.