Радий Хәбиров Идел буе федераль округы Советы утырышында катнашты

Игорь Комаров билгеләп үткәнчә, округ төбәкләрендә махсус хәрби операциядә катнашучыларга һәм аларның якыннарына ярдәм итүнең киң системасы гамәлгә ашырыла. Аның сүзләренә караганда, сугышчан хәрәкәтләрдә катнашучыларны тыныч тормышка кайтаруда гаилә төп рольне уйный.

Утырышта төбәк җитәкчеләре гамәлдәге ярдәм чаралары һәм аларны камилләштерү буенча тәҗрибә белән уртаклашты.

Башкортстанда махсус хәрби операциядә катнашучыларга һәм аларның гаиләләренә ярдәм итүнең күп дәрәҗәле системасы булдырылган. Бүген республикада 99 төр ярдәм чарасы һәм хезмәт күрсәтелә, шуларның 55е – төбәк дәрәҗәсендә.

Республикада «Ватанны саклаучылар» дәүләт фонды филиалының 130 социаль координаторы эшли. Шулай ук махсус хәрби операция ветераннары ассоциациясе һәр муниципалитетта эшчәнлек алып бара. Ветераннарга яңа һөнәр үзләштерергә, үз эшен ачарга, җәмәгать тормышында һәм адаптив спортта катнашырга ярдәм итәләр.

Моннан тыш, махсус хәрби операция ветераннары дәүләт һәм муниципаль идарә органнарында, шулай ук Башкортстан Дәүләт җыелышы-Корылтай, шәһәр һәм район советлары депутатлары составында да актив эшли.

Источник: «Кызыл таң»