+13 °С
Облачно
Новости
29 Июня , 12:06
Исерек егет чит кеше машинасын алып киткән
Алдан алынган мәгълүматлар буенча, Октябьскийда яшәүче ир-егет өендә алкоголь эчемлекләр кулланганнан соң, төнге шәһәр буйлап йөрергә чыга. Шул вакытта ул ВАЗ-21103 автомобиленә игътибар итә. Якынрак килеп, егет ишек тоткасын тартып карый. Машина ачык булып чыга, ә кабызу йозагында ачкычлары да калдырылган була. Уйлап та тормыйча, ир-ат руль артына утыра һәм шәһәр буйлап китә.
Исерек егет чит кеше машинасын алып киткән
Урамнарның берсендә аны ЮХХДИ хезмәткәрләре туктата. Ачыкланганча, руль артында моңа кадәр хөкем ителгән 21 яшьлек егет булган.
Әлеге факт буенча Русия Эчке эшләр министрлыгының Октябрьский шәһәре буенча бүлегенең тикшерүчеләре тарафыннан РФ Җинаять кодексының 166 маддәсенең 1 өлеше (автомобильне яки башка транспорт чарасын урлау максатсыз үз белдегең белән алып китү) нигезендә җинаять эше кузгатылган.
Аделина Кашапова, Эчке эшләр министрлыгының Октябрьский шәһәре буенча бүлеге.
Фото: Гигачат
