Октябрьскийда Яшьләр көнен киң билгеләделәр

Ленин исемендәге мәйданда һәркем күңеленә хуш килгән интерактив мәйданчыклар таба алды. Яшьләр һөнәрләр буенча сынау узды, белем бирүче квестларда һәм квизларда, осталык дәресләрендә һәм башка чараларда катнашты.

Бәйрәм белән мәйданга җыелган халыкны БР транспорт һәм юл хуҗалыгы министры урынбасары Регина Бакиева, шәһәр хакимияте башлыгы Алексей Пальчинский, «Яшьләр сарае» директоры Рөстәм Абдулкаюмов котлады.

Матур гадәт буенча бу көнне волонтёрлар, яшьләр берләшмәләре активистлары, алар белән эшләүче белгечләр бүләкләнде.

Бәйрәм «Яшьләр тавышы» дип аталган музыкаль фестиваль белән дәвам итте. Анда җирле башкаручылар чыгыш ясады. Чагу чара ачык һавада дискотека белән тәмамланды.

Күбрәк фотоvk.com/album-118309628_311418541