Полкташларының гомерен коткарган

«Башкорт батальоны» каналы хәбәр иткәнчә, хәрби хезмәткәр дошман БПЛАсы һөҗүме вакытында хезмәттәшләрен коткарган.

Рядовой Абдуллин һәм аның сугышчан иптәшләре ВСУның авыр дроны һөҗүменә эләккәннәр. Аның нәтиҗәсендә Русия хәрбиләре төркеме бина җимереклекләре астында калган.

Салкын канлылыгын саклап, Рәис Абдуллин җимерек йорттан чыгу юлын оештырган. Кул астындагы чаралар ярдәмендә хәрбиләр бетон диварны тишкән һәм тышка юл ачкан. Су булмаган, Башкортстан сугышчысы аны үсемлек тамырыннан алу ысулын тапкан, бу төркемгә ярдәм итәргә мөмкинлек биргән.

Чыкканнан соң Рәис Абдуллин яраланган иптәшләрен эвакуацияли һәм хәрби бурычны үтәүне дәвам итә. Аның гамәлләре нәтиҗәсендә төркем сугышчан сәләтен һәм позицияләрен саклап кала алган. Бу батырлыгы өчен Рәис Абдуллин IV дәрәҗә Изге Георгий ордены белән бүләкләнгән. Моннан тыш, рядовой Абдуллин «Батырлык өчен» һәм «Каһарманлык өчен» медальләренә лаек булган.

Рәис Абдуллин СВОда 2024 елның июленнән контракт буенча хезмәт итә.

Хәрби хезмәткәрләр сафына басарга һәм Ватанны якларга теләүчеләр Ленин проспекты, 49 адресы буенча Октябрьский хәрби комиссариатына (телефон: 4‑19‑45, көн саен эшли) һәм контракт нигезендә хәрби хезмәткә чакыру буенча шәһәр штабына мөрәҗәгать итә ала. Телефоны: 8‑937-8569880.

Моннан тыш, БПЛА бүлекчәләре сафларында хезмәт итү турында тулырак мәгълүматны башбат.рф сайтында яки 122 номеры буенча алырга була.

Источник: «Кызыл таң»

Фото: «Башкирский батальон» | МАКС