Халыктан 100 миллионнан артык акча урлаганнар

Суд 2019-2020 елларда ир-ат төркем составында кешеләрне махсус төзелгән интернет-платформа аша алдаганын ачыклаган. Мошенниклар клиентларга биржада сатудан югары керем вәгъдә иткәннәр, ләкин моның урынына 114 кешедән 101 миллион сумнан артык акча урлаганнар.

Ир-атны 4 ел һәм 6 айга гомуми режимлы колониягә хөкем итеп, зыянны капларга мәҗбүр итәләр. Аның счетлары кулга алынган.

Төбәк прокуратурасында хәбәр итүләренчә, җинаятьчел төркемнең тагын өч катнашучысына, шул исәптән аның оештыручысына карата җинаять эшләре судта карала.