Нәтиҗәле хезмәт югары бәяләнә

«Ит продукциясе, консервларны да кертеп» номинациясендә экспертлар «Казылык» ит ярымфабрикаты һәм «Казылык Хәләл» каклаган казылыгын билгеләп үтте.
«Безнең бренд» бәйгесе республикада беренче тапкыр узды. Аны оештыручылар — БР авыл хуҗалыгы министрлыгы һәм Башкорт күргәзмә компаниясе. Конкурс Уфадагы ВДНХ-ЭКСПОда Башкортстан Республикасында җитештерелгән азык-төлек продуктларын популярлаштыру, аларның танылуын, экспорт потенциалын үстерү, кулланучыларның ышаныч дәрәҗәсен һәм ихтыяҗын арттыру максатында оештырылды. Анда республиканың 48 муниципаль берәмлегеннән 118 бренд, 269 җитештерүче катнашты.
Гөлназ Шәфигуллина җитәкчелегендәге «Байкал-сервис» производство-сәүдә фирмасы» даими рәвештә югары нәтиҗәләргә ирешә. Шәһәребез предприятиесен чираттагы мәртәбәле җиңү уңаеннан тәриклибез, киләчәктә дә уңышлар телибез!