Октябрьскида тагын дүрт чыгарылыш сыйныф укучысы БДИда 100 балл җыйды

Бердәм дәүләт имтиханын өч чыгарылыш сыйныф укучысы 100 баллга тапшырды, моңа кадәр бер укучы рус теленнән имтиханда 100 баллга эшләгән иде.

12 нче мәктәпнең ике укучысы: Роберт Мәҗитов һәм Радель Сәгъдиев һәм 3 нче гимназия укучысы Артём Меркулов физика буенча йөз баллы булды. Рус теле буенча БДИда 2 нче гимназиянең унберенче сыйныф укучысы Софья Чернова йөз балл алды.

Физикадан 66 укучы имтихан тапшырды. 21 укучы 81 балл җыйды.

Предмет буенча уртача балл - 73.

Рус теленнән имтиханны 378 укучы тапшырды. 81 балл һәм аннан югарыракны 72 кеше җыя алган. Предмет буенча уртача балл - 67.

Җәмгыять белеме буенча БДИ нәтиҗәләре дә билгеле булды. Әлеге имтиханны 127 укучы тапшырды. Аларның 11 е 81 һәм югарырак балл җыйган . Предмет буенча уртача балл - 59, дип хәбәр итә шәһәр мәгариф бүлеге.