Хәл кертүче эчемлек

Уртача зурлыктагы 3 алма (киптергәне дә ярый) алырга, вак итеп турарга һәм 1 литр кайнаган су салырга, 10 минут кайнатырга кирәк. Үзегезгә кирәгенчә бал һәм порошок төрендәге бер чеметем яисә бер кисәк имбир өстәргә. Җылы килеш эчәргә кирәк.

Бу йокымсырауны һәм арыганлыкны тиз арада бетерә торган искиткеч көч кертүче эчемлек кенә түгел, ә сәламәтлекне дә ныгыта.

Эчемлек бөтен организмга яхшы тәэсир итә, шешенүне бетерә, ә имбир ашкайнатуны һәм кан әйләнешен яхшырта.