Күкте пилотһыҙ аппараттарҙан һаҡлар өсөн

Пилотһыҙ аппараттар хәүефе беҙҙең төбәктә лә ысынбарлыҡҡа әүерелде. Йыш ҡына дошман БПЛА-ларының маҡсаты булып сәнәғәт ҡалаларында урынлашҡан эре заводтар тора. Предприятиеларҙы һөжүмдәрҙән һаҡлау өсөн республикала мобилизация кеше резервы (МЛР) булдырыла. Нимә ул һәм унда нисек эләгергә?

- Мобилизация резервы — Оборона министрлығының подразделениеһы, үҙенең хәрби уставы менән төбәк көстәре. Был подразделениеның төп бурысы — тылда стратегик мөһим объекттарҙы һаҡлау. Башҡортостанда, башҡа күп кенә төбәктәрҙәге кеүек үк, ошондай полк булдырылған, уның бурысына энергетика объекттарын пилотһыҙ осоу аппараттарынан һаҡлау инә, — тип аңлата мобилизация кеше резервы полкы штабы начальнигы Самат Миңлисламов.

Самат Рәлис улы — махсус хәрби операция ветераны. Өйгә ҡайтҡас, башҡа күп кенә патриотик ҡарашлы кешеләр кеүек, резервҡа инергә ҡарар итә. Хәҙер Алкин-2-лә резервҡа инеүселәр өсөн махсус күнекмә үтә. - Кешенең төп эше бар, әйтәйек, ниндәйҙер предприятиела. Ул Оборона министрлығы менән контракт төҙөй һәм, мобилизация резервында булып, ҡуйылған бурыстарҙы үтәй. Иҫке контракттар буйынса - йылына ике ай, яңылары буйынса йылына алты айға тиклем.

Резервҡа хәрби хеҙмәттә булған һәм һаулығы буйынса яраҡлы ир-егеттәр инә ала. 2025 йылдың 1 ноябренә тиклем резервты уҡыу күнекмәләренә йәлеп итәләр, һәм улар заводтарҙы пилотһыҙ аппараттарҙан һаҡлауҙы тәьмин иткән мобиль төркөмдәргә инә, — тип билдәләй Самат Миңлисламов.

Резервҡа инергә теләүселәр хәрби комиссариатҡа мөрәжәғәт итергә тейеш. Бөтә шарттарға ярашлы медицина комиссияһын үтергә кәрәк, әгәр проблемалар булмаһа, контрактҡа ҡул ҡуйыла.

Күнекмәләр осоронда төп эш урыны буйынса уртаса айлыҡ эш хаҡы һаҡлана. Бынан тыш, Оборона министрлығы уға, әгәр һүҙ ябай состав тураһында барһа, 24 мең һум түләй.

- Контрактҡа өс йәки биш йылға ҡул ҡуйыла. Кеше төп эшендә була, уға хәрби комиссариаттан шылтыратып, уның сираты еткәнен хәбәр итәләр. Әгәр кеше беренсе тапҡыр резервҡа инһә, ул башта ике аҙналыҡ әҙерлек үтә. Йыл дауамында, заводтарҙы һаҡлауҙы тәьмин итеү өсөн, резервҡа ингәндәрҙең барыһы ла сиратлап хеҙмәт итә. Иван Иванович, әйтәйек, 1 апрелдә дежурлыҡҡа сыға, Ә Николай Николаевич уны ике айҙан һуң — 1 июндә алмаштыра. Шулай итеп, уларҙы йылына алты айға тиклем, йәғни ике айға өс тапҡыр йәлеп итергә мөмкин, - тип аңлата штаб начальнигы.

Өҫтәп әйтергә кәрәк, резервҡа ғүмерендә бер тапҡыр ҙа ҡулға алынмаған һәм хөкөм ителмәгән 52 йәшкә тиклемге (рядовой) йәки 67 йәшкә тиклемге (офицерҙар) ир-егеттәр инә ала. Контракт төҙөү өсөн документтар пакеты: паспорт, хәрби билет, СНИЛС, ИНН, банк реквизиттары. Медицина тикшереүе һәм һөнәри яраҡлылыҡҡа тест һөҙөмтәләре буйынса һайлап алыуҙы хәрби комиссариат үткәрә.

Сығанаҡ: https://resbash.ru/articles/obshchestvo/2026-04-22/zaschitit-nebo-ot-bespilotnikov-4660666