Якташ яугир югары дәүләт наградасына лаек булды

Башкортстаннан МХОда катнашучы Рәфис Янышев хәрби бурычларны үтәгәндә күрсәткән фидакарьлеге һәм батырлыгы өчен II дәрәҗә «Батырлык өчен» медале белән бүләкләнде.

Рядовой Янышев махсус операция биләмәсендә «Башкортстан» мотоукчылар полкының матди тәэмин итү ротасы водителе-радиотелефонист булып хезмәт итә.

Командование билгеләвенчә, хезмәт итү чорында якташыбыз үзен җаваплы һәм тәртипле итеп күрсәтә.

Исегезгә төшерәбез, Русиянең Оборона министрлыгы белән контракт төзегән өчен хезмәтнең башлангыч елында 3 920 000 сум түләнергә тиеш, айлык эш хакы 210 мең сумнан башлана. Тулырак мәгълүматны башбат.рф сайтында алырга мөмкин.

Источник: «Башинформ»

Автор: Алсу Ибрагимова

Читайте нас