Бердәмлектә көч

Комиссия әгъзалары конфессияара мөнәсәбәтләр өлкәсендәге вәзгыять турында фикер алышты, дин лидерларының укучылар, ата-аналар һәм педагоглар белән очрашуларын уздыру тәҗрибәсе белән уртаклашты. Мондый әңгәмәләр яшьләрдә төрле мәдәниятләргә һәм гореф-гадәтләргә хөрмәт тәрбияли, бу җаваплы гражданлык җәмгыятен формалаштыруның нигезе булып тора.

Мәгариф һәм мәдәният учреждениеләрендә террорчылыкка каршы көрәштә теләктәшлек көненә багышланган чаралар үткәрүгә йомгак ясалды. Шунысы мөһим, чараларда дини конфессияләр җитәкчеләре, җәмәгать фикере лидерлары, студентлар һәм мәктәп укучылары актив катнашты. Нәкъ менә шундый диалогта, төрле буын һәм конфессияләрнең тере аралашуында терроризмга төп җавап булып торган бердәмлек туа.