Табибка ничек язылырга?

Мәгълүм булуынча, табибка язылуның берничә ысулы бар. Шуларны сезнең исегезгә төшереп үтәбез.

Терапевт, гинеколог һәм педиатрга 1301 бердәм номеры буенча язылырга мөмкин. Өстәп, 401 шәһәр дәваханәсенең кодын җыярга кирәк. Көтү вакыты бер минуттан артмый, шалтыратулар бушлай һәм 08.00дән 20.00гә кадәр кабул ителә.

Икенче юл — gosuslugi.ru һәм doctorbashkortostan.ru порталлары аша. Шушы сайтларда теркәлеп, кабул итү өчен уңайлы вакытны сайларга мөмкин.

Моннан тыш, кабул итүгә «Табибка» мобиль кушымтасы аша яисә дәваханә администраторына мөрәҗәгать итеп язылырга мөмкин.