Ленинград белән бергә илне дә саклап калганнар

27 гыйнварда ил истәлекле датаны — Ленинградны фашистлар блокадасыннан тулысынча азат итү көнен билгеләп үтә. Герой-шәһәр 872 көн камалышта була.

Октябрьскийлыларга, халык батырлыгы турында искә төшереп, шәһәр хакимияте башлыгы Алексей Пальчинский мөрәҗәгать итте. Ул блокада башланганда Ленинградта 2 миллионнан күбрәк кеше булуын билгеләп үтте.

 - Фашистлар Германиясе шәһәрне кызганмый: Ленинградка 150 меңнән артык снаряд ташланган. Әмма шул ук вакытта шәһәр яшәвен дәвам итә: предприятиеләр, театрлар эшли, — дип искә төшерде мемориал янына җыелган шәһәрлеләргә Алексей Евгеньевич.

Бу көнне шәһәр халкы, мәгариф учреждениеләре укучылары, сугыш хәрәкәтләре ветераннары һәм офицерлар Ленинградны һәм Ватанны саклап калган сугышчыларга хөрмәт һәм ихтирам күрсәтте.

- Җиңү өчен барысын да эшләгән Бөек Ватан сугышы ветераннарына рәхмәт әйтәбез. Без халкыбызның батырлыгын һәм каһарманлыгын һәрвакыт истә тотачакбыз, - дип ассызыклады Алексей Пальчинский.

Бер минут тынлыктан соң, октябрьскийлылар мемориалга чәчәкләр салдылар.

Анастасия АВЕРИНА