«Җиңү вальсы» биюгә чакыра!

2020 елның 9 маенда 18: 00 сәгатьтә шәһәребезнең Үзәк мәйданында Бөек Ватан сугышында җиңүнең 75 еллыгына багышланган «Җиңү вальсы» чарасы узачак. Октябрьскийда беренче тапкыр гамәлгә ашырылучы бию флешмобы илләр һәм халыкларны, төрле буын вәкилләрен тынычлык хакына берләшүгә өндәү акциясе буларак күзаллана.«Җиңү вальсы»нда барлык теләүчеләр дә катнашала. Бүгенге көндә гаризалар кабул итү бара.