Шәһәр архивы — беренче урында

Башкортстан Республикасы архивлар эшләре идарәсе коллегиясенең узган елгы эшчәнлеккә йомгак ясау,
2025 елга максат һәм бурычлар билгеләү буенча киңәйтелгән утырышында Октябрьский белгечләрен идарәнең рәхмәте белән билгеләп үттеләр.

Октябрьский архивына — 69 ел. Бүген ул 800 кв. метр мәйданны били. Биредә шәһәрнең юкка чыккан предприятиеләреннән шәхси состав буенча меңләгән документлар, башкарма комитетның, мэриянең, хакимиятнең норматив документлары, Бөек Ватан сугышында катнашучыларның шәхси фондлары, фото‑ һәм видео-документлар саклана.