Октябрьский шәһәрендә "Башкортстанның ел укытучысы» конкурсы старт ала

20 гыйнварда «Башкортстанның ел укытучысы» республика педагогик осталык конкурсының 33нче муниципаль этабы старт ала.

Конкурста Октябрьский гимназияләре һәм мәктәпләреннән 10 педагог катнашачак. Алар арасында - икешәр башлангыч сыйныфлар, физкультура һәм рус теле укытучылары. Моннан тыш, конкурс марафонында инглиз теле, рәсем сәнгате, биология һәм физика укытучылары көч сынашачак.

Конкурс ике турдан тора. Беренче тур, «Укытучы-һөнәрмәнд»,  ике сынауны үз эченә ала: «Дәрес» һәм «Тәрбияви вакыйга». Икенче тур, «Укытучы-остаз», шулай ук ике конкурс сынавыннан тора: «Мастер-класс» һәм «Пресс- конференция», дип хәбәр иттеләр шәһәр мәгариф бүлегендә.

Фотода - конкурста катнашучылар.