Балаларның киләчәген кайгыртабыз

Газизовлар гаиләсе дә Башкортстан Республикасы Башлыгы һәм шәһәр Советы депутатлары өчен тавыш биреп, балаларының киләчәген кайгырткан. Ә Газизовлар гаиләсендә алар икәү — уллары Тамирлан быел 3 сыйныфта укый, кызлары Ясминә балалар бакчасына йөри.

— Без гади урта статистик гаилә. Ирем Фәнис вахта методы белән хезмәт куя , мин хуҗабикә булып өйдә эшлим, — диде елмаеп Айгөл ханым.

Газизовлар сайлауларда катнашкан өчен бүләкләр вәгъдә иткән акцияләрдә дә теркәлергә онытмаган. Әле беркайчан да бүләк отканыбыз юк, бәлкем, фортуна безгә дә елмаер, диде алар.