Туган як
+16 °С
Яңгыр
Барлык яңалыклар
Безнең шәһәрдә
12 февраль , 13:48

Гаилә кыйммәтләре

Октябрьскийның дини конфессияләр вәкилләре 13нче мәктәп  укучылары белән нәкъ менә шушы көнүзәк темага очрашу үткәрде.  

Гаилә кыйммәтләре
Гаилә кыйммәтләре

Шәһәрнең имам ахунды Мәүлемҗан хәзрәт һәм Александр атакай балалар белән мәхәббәт, тугрылык, гаилә кыйммәтләрен һәм традицияләрен саклау, тормыш иптәшен сайлау, тирә-юньдәгеләрнең безнең мөнәсәбәтләргә һәм киләчәк гаилә тормышына йогынтысы турында сөйләштеләр. Шулай ук бүгенге дөньяда идеалларның алышынуы, замана егетләренә һәм кызларына начарны яхшыдан аера белү мөһимлеге турында да фикер алыштылар.

— Яшьтән үк үзеңне игелеккә һәм мәрхәмәтлеккә, үз йөрәгеңне бу дөньяда булган барлык яхшылыкка һәм матурлыкка өйрәтү мөһим. Болар барысы да нык гаилә, көчле ил булдыру өчен бик яхшы нигез.

Гаилә — һәр кешенең тормышында иң мөһим урын. Анда тынычлык һәм татулык хакимлек итсен өчен әхлакый законнарны саклау һәм үтәү мөһим, — дип ассызыклады очрашуның хөрмәтле кунаклары.

 

 

Автор:Аида Ханнанова
Читайте нас: