Хәрбиләргә – өстәмә түләү

Документ нигезендә, 2023 елның 10 ноябреннән соң мобилизация буенча чакырылган яки хәрби хезмәткә алынган гражданнар өстәмә 100 мең сум түләү алачак. Бу түләү ташламалар, пособиеләр һәм башка ярдәм чараларын исәпләгәндә гаилә керемендә исәпкә алынмаячак. Әлеге указ Миңнегали Шәйморатов исемендәге батальонның һәм республиканың башка ирекле бүлекчәләренең шәхси составына кагылмый.

Билгеле булганча, 2023 елның октябреннән сугышчыларның минималь хезмәт хакы 210 мең сумга кадәр артты. Контракт төзүчеләргә шулай ук РФ Оборона министрлыгыннан бер тапкыр бирелә торган 195 мең сум акча түләнә. Уфа һәм Башкортстанның башка шәһәрләре меценатлары контракт имзалаучылар өчен бер тапкыр бирелә торган 100 мең сум түләү кертте. Шулай итеп, республика билгеләгән яңа түләүне исәпкә алып, контрактчыларга бер тапкыр бирелә торган сумма 400 мең сумга якын җыела.
«Сүз бер ел элек мобилизацияләнгән кешеләр турында бара, алар үз статусларын ирекле контрактчыларга алыштырырга тели, бу берничә финанс өстенлек бирә. Безнең республикада андый егетләр чыннан да йөзләрчә. Радий Хәбиров Указы аларны өстәмә рәвештә хупларга мөмкинлек бирә. Чакыру буенча хезмәткә килгәндә, закон аны контракт белән алыштырырга мөмкинлек бирә, мондый адымга, гадәттә, тормыш тәҗрибәсе булган, университеттан соң яки хәрби хезмәт вакытын кичектереп торган ир-егетләр бара. Башта алар өч-дүрт ай укыйлар, әмма бу СВОга бару мәҗбүри дигән сүз түгел, алар төрле хәрби частьләрдә хезмәт итә ала. Республикадан өстәмә түләү шулай ук мондый карар кабул иткән кешеләр өчен дә финанс ярдәме», — дип аңлатты Башкортстан Республикасы хәрби комиссары Михаил Блажевич.