«Баймак хәбәрләре» газетасына биргән интервьюсында Азат Хәбибуллин 2013 елда гадәти булмаган һөнәрне аңа улы өйрәткәнен сөйләгән.
— Мин белгечлегем буенча металлург, әмма пенсиягә чыккач, тормышымны файдалы шөгыль белән төрләндерергә булдым, — ди мастер. — Эш бик тиз табылды: улым башкорт тематикасына сувенирлар ясау белән мавыкканга, мине дә бу эшкә җәлеп итәргә булды.
А. Хәбибуллин фестивальгә дә буш кул белән килмәгән, яңа эшләнмәләрен алып килгән. Ул нәкъ менә баймаклыларның аның товарларына ихтыяҗы зур булуын билгели. Оста үзе катнашкан һәр сабантуйда 60 меңгә якын сувенир сата, әмма бу көннәрдә мастер җиде ел элек куйган рекордны кабатларга ниятли. 2015 елда, Кургандагы Бөтенрусия сабантуенда ул бер көн эчендә 150 мең сувенир саткан булган.
Фото: Дмитрий Фадеев