Туган телдә сөйләшик!

Без заманча технологияләр тормышыбызның бар өлкәләренә үтеп кергән чорда яшибез. Бүген кәрәзле телефон, планшет, ноутбуклардан башка яшәүне күз алдына да китереп булмый. Өйдә дә, эштә дә гаджетлар — алыштыргысыз ярдәмчеләребезгә әверелде. Яшь буын заманча әсбапларны җиңел үзләштерә, ә менә өлкән яшьтәгеләр бу мәсьәләдә еш кына төрле катлаулыкларга очрый. Бу уңайдан Милли мәдәниятләр үзәге белгечләре 3нче гимназиянең «Ачык йөрәкләр» иреклеләр отряды белән берлектә олы апа-абыйлар өчен интернет дөньясы белән танышу чарасы оештырды.