Русия белән Кытай бәйләнеше тотрыклы

Русия Президенты Владимир Путин БРИКС саммиты кысаларында Кытай Халык Республикасы Рәисе Си Цзиньпин белән очрашты.

Владимир Путин Русия белән Кытай арасында бәйләнешнең ныклы һәм тотрыклы булуын билгеләде. Аның нигезендә традицион халыклар дуслыгы, бер-береңнең мәнфәгатьләрен хөрмәт итү, глобаль проблемалар буенча тыгыз координация булуы ассызыкланды.
Ил башлыгы консультацияләрнең сәяси дәрәҗәдә үтүен, икътисад өлкәсендә, халыкара аренада хезмәттәшлек итүне әйтте. Эшнең зур күләме хәрби-техник хезмәттәшлеккә бәйле булуы билгеләнде.