Сайлауда катнашу - һәркемнең изге бурычы

517нче сайлау участогында эш актив бара. Башлыча өлкән буын вәкилләре активлык күрсәтте.

Иртәнге сәгатьләрдә тавыш бирергә Мәүлемҗан хәзрәт Сибгатуллин да килгән иде. Дин кешесенең сайлауларга карата фикерен ишетик. «Пәйгамбәребез Мөхәммәд (с.г.в.) әйткән: «Кайсы шәһәрдә, авылда табиб булмаса — качыгыз аннан, ә солтан булмаса —ул шәһәргә кереп тә тормагыз». Шуңа күрә сайлауда катнашу — һәркемнең изге бурычы. Һәр биләмәнең «хуҗасы» булырга тиеш, андый җирдә генә хокук, тәртип хөкем итә. Башкортстан Башлыгын сайлауларда катнашып, без республиканың киләчәген билгелибез. Гаиләбез белән бер сайлауны да калдырган юк», — диде хәзрәт.