Гомумдәүләт проектларына кагылышлы чаралар расланды

Русия Федерациясе Хөкүмәтенә түбәндәге бурычлар йөкләтелә:

* 2019 елда Русия Федерациясенең стратегик үсешен тәэмин итүче төп юнәлешләр буенча гомумдәүләт проектларын гамәлгә ашыру өчен норматив-хокукый базаны ныгыту максатын куйган федераль закон кабул итүне тәэмин итү;

* Русия Банкы һәм Федераль иминлек хезмәте белән берлектә санлы финанс активларын көйләү һәм санлы технологияләр ярдәмендә финанс ресурсларын җәлеп итүне җайга салачак федераль закон проектларына карата уртак караш булдыру;

* Русия Федерациясе субъектларының башкарма власть органнары белән берлектә, төбәк программаларына ярашлы, гражданнарга бушлай медицина ярдәме күрсәтү, Русия Федерациясе законнарына ярашлы, аерым категориягә караучы гражданнарны ташламалы дарулар белән тәэмин итү мөмкинлекләренә анализ ясау;

* Кирәк дип табылган очракта, аерым категориягә караучы гражданнарны тиешле күләмдә ташламалы дарулар белән тәэмин итү максатында Русия Федерациясе субъектларына федераль бюджеттан өстәмә акча бүлү.

#ВладимирПутин