Русиядә көчле, суверен держава флоты булачак

Дәүләт башлыгы илебездә уникаль мөмкинлекләргә ия булган флот төзеләчәге турында Санкт-Петербургта Хәрби-Диңгез флоты көненә багышланган диңгез парадында белдерде.

В. Путин сүзләренчә, хәрби диңгезчеләрнең тырышлыгы илгә “бөек диңгез дан-шөһрәте” алып килде, ләкин хәрби диңгез көчләре үсеше моның белән генә тукталмаячак.

“Без алга таба барачакбыз. Озак вакытка исәпләнгән, уникаль мөмкинлекләре булган флот төзиячәкбез. Бу көчле, суверен держава флоты булачак”, - диде ул.

Русия Президенты әйтүенчә, агымдагы елда гына да Хәрби-Диңгез флоты составы 15 кораб һәм хәрби катерлар белән тулыланган. Диңгез авиациясенең инфраструктурасы да яңартыла. Ул парадта торган, узган елда сафка баскан “Советлар Союзы флоты адмиралы Горшков” Төньяк флот фрегатын үрнәк итеп китерде.

#ВладимирПутин