Русия Президенты Кабарда-Балкар Республикасы башлыгы белән очрашты

Республикада агымдагы социаль-икътисади хәл һәм арытаба үсеш планнары тикшерелде.

Казбек Коков сүзләренчә, агымдагы елның беренче яртысында икътисадның төп юнәлешләре буенча үсеш тенденциясе күренә. Сәнәгать җитештерүе индексы - 102 процент, авыл хуҗалыгы җитештерүе күләме 11,4 миллиард сум тәшкил иткән. Бу узган ел күрсәткечләреннән күпкә яхшырак.

Шулай ук, республикага туристлар килүнең уңай динамикасы күренә, ул узган ел күрсәткеченнән якынча 7 процентка арткан.

Уртача хезмәт хакы үсеше дәвам итә – якынча 2,5 процент. Бүген хезмәт хакы 26 300 сум тәшкил итә.

- Гомумән алганда, тенденцияләр начар түгел, уңай дип әйтер идем, шуңа күрә сезгә уңышлар телим, - диде Ил Президенты Владимир Путин.

#ВладимирПутин