Франция Бастилияне алу көнен бәйрәм итә

Владимир Путин Франция Президентын милли бәйрәмнәре белән котлады.
Русия җитәкчесе Владимир Путин Франция Республикасы Президенты Эммануэль Макронга милли бәйрәмнәре — Бастилияне алу көне уңаеннан котлау телеграммасы юллады.
Русия башлыгы Европада хәвефсезлек һәм тотрыклылыкны булдыру, халыкара мөһим мәсьәләләрне хәл итү өчен ике дәүләт арасындагы мөнәсәбәтләрне югары бәяләде.
Владимир Путин, элекке яхшы традицияләргә нигезләнеп, Русия белән Франция әлеге вакытта да сәяси, сәүдә-икътисади, фәнни-техник, гуманитар һәм башка өлкәләрдә хезмәттәшлекне үстерә алуына ышаныч белдерде.