Выборы продолжаются

#республикатвоихвозможностей #ВыбирайБашкортостан

Рәсимә Нигъмәтҗан кызы һәм Шәрифҗан Фазыл улы Низаметдиновлар ил, республика һәм шәһәребез өчен мөһим вакыйгалардан, атап әйткәндә, сайлаулардан беркайчан да читтә калмый.

"Мин элеккеге хәрби, Германиядә хезмәт иттем, Әфганстанда булдым, - ди Шәрифҗан Фазыл улы. - Ил-җиребезнең, армиянең куәтле булуын телим. Сайлауда катнашуым да шул максаттан, дәүләтебез ныклы, көчле булсын, тынычлык-иминлектә яшик".

"Без сайламасак, кем сайлар? - дип сүзгә кушыла Рәсимә ханым. - Яшьләр дә моны аңласын дип тырышабыз. Безнең сайлауга шәһәрнең, балаларның киләчәге бәйле. Форсаттан файдаланып, барлык якташларга сәламәтлек, бәхетле имин тормыш телисем килә!"