Уфада Бөтендөнья башкортлары корылтае эшен башлады

Билгеле булуынча, 27-29 июньдә Уфада V Бөтендөнья башкортлары корылтае уза. Анда халык тарафыннан сайланган 500дән артык делегат, шул исәптән АКШ, Швейцария, Голландия, Монако, Израиль һәм тагын 21 ил вәкилләре катнаша.

Корылтайда иң мөһим мәсьәләләр тикшереләчәк һәм башкорт халкы үсешенең төп юнәлешләре билгеләнәчәк.

Көн тәртибендә — Башкорт халкының үсеш стратегиясе концепциясен раслау, халык тормышының төп эшчәнлек өлкәләре буенча агымдагы вәзгыятьне бәяләү, тәгаен проектларны һәм программаларны тормышка ашыру буенча тәкъдимнәр белән уртаклашу.