Октябрьскийда 5 меңнән артык кеше ГТО нормативларын тапшырган

Атап әйткәндә, 1674 кеше алтын билге алды, 1450се – көмеш, ә 1540 спортчы бронзага лаек булды.

2025 елда ГТО хәрәкәтенә махсус хәрби операция ветераннары да кушылган. Нормативларны үтәгән алты кеше аерымлык билгеләренә ия булды.

Югары әзерлек күрсәткән пенсионерларның актив катнашуы игътибарга лаек. 33 пенсионер – алтын, алтысы – көмеш һәм бер катнашучы бронза билге алды.

Сүз уңаеннан, өлкән буын кешеләрен ГТО нормативларын тапшыруга актив җәлеп итү өчен республикада уникаль программа гамәлгә ашырыла. Алтын, көмеш һәм бронза ГТО нормативларын үтәгән 60 яшьтән өлкәнрәкләргә физкультура-спорт оешмаларына бушлай йөрү өчен 10 мең сум номиналлы сертификатлар бирелә.

Шулай ук нормативларны үтәгән 6 яшьтән 17 яшькә кадәрге инвалидлар һәм сәламәтлек мөмкинлекләре чикләнгән кешеләр, махсус хәрби операция ветераннары сертификатлар алу хокукына ия.

2026 елда Башкортстанда «Хезмәткә һәм оборонага әзер» комплексын тапшыру өчен тагын 15 мәйданчык җиһазландырырга планлаштыралар. Моннан тыш, Башкортстан пилот төбәге сыйфатында пилотсыз очу аппаратлары белән идарә итүне күздә тоткан ГТО комплексын сынауда катнашачак.

Фото: социаль челтәрләрдән.