Октябрскийның яшь спортчылары фигуралы шуу буенча ярышларда призлы урыннар алды

Тимераякта фигуралы шуу буенча Уфаның ачык чемпионатына Башкортстан башкаласыннан да, башка шәһәр һәм районнардан да спортчылар җыелды.

Октябрьский шәһәренең яшь спортчылары яхшы нәтиҗәләр күрсәттеләр. Мирослава Корнева - өченче яшүсмерләр разряды буенча 1нче урын, Самира Минһаҗетдинова - беренче яшүсмерләр разряды буенча арасында 1нче урын яулады. Амира Фәүхетдинова - беренче яшүсмерләр разряды буенча арасында 4нче урында,  Анна Романова - өченче спорт разряды буенча 9нчы урында.

Кызлар белән тренер Кинзябаева Александра Александровна шөгыльләнә.

Барлык катнашучыларны да уңышлы чыгышлары белән котлыйбыз һәм киләчәктә яңа җиңүләр телибез!

Фото: МАУ ДО СШ «Ледовый Дворец»